ლექსების ახალი კრებული

მალე გამოვა დალი მუხაძის ლექსების ახალი მესამე კრებული, რომელსაც (გაგიმხელთ საიდუმლოს და გეტყვით) ჰქვია: “ძველ გზაზე”.

ალბათ უმრავლესობისთვის ეს არაფერს ნიშნავს, მაგრამ მე მინდა, რამდენიმე ლექსი მოვიყვანო აქ ახალი კრებულიდან.

ძველ გზაზე

ძველ გზაზე მიგორავს მზისფერი გორგალი,
ყვავები კემსავენ ცის ნაგლეჯს, ღრუბლიანს,
უცვლელი მიგორავს სიცოცხლის ბორბალი,
ლურჯი ჰორიზონტი მიღმეთის ზღურბლია.
ძველ გზაზე გახუნდა ჭრელჭრულა თავშალი,
იფინეს ლოდებმა ნისლების კოტორი,
ძველ გზაზე მუხაა, ნამეხი, მაშვრალი,
მთის წვერზე ნალეწი ჩანს ციხე-გოდოლი.
ძველ გზაზე რამდენჯერ, რამდენჯერ გაწვიმდა!
თქეშმა და ქარბუქმა ოცნებაც წაშალა,
და მაინც ვერ ვტოვებ შეჩვეულ გზაწვრილს და
არ მეიმედება ახალი გზაშარა.
არ მეიმედება ცისფერი კოშკები,
ახალი ნაპირი, ბროლის გზა ელვარე…
ისევ ის სავალი, ძველი, მირჩევნია,
რომ ვერ შეცვლი და ვერაფრით ვერ გალევ.

* * *
ნეტავ, მტერო, შავფერ დარდებს რა გილევს?
როგორ კერავ რწმენის ფარდაგ-ხალიჩას?
მაგ ცოდვიან შარბათს ვინღა დაგილევს,
როცა სული შურმა ორად გახლიჩა.
სად ხარობენ სიყვარულის იანი?
საით მიდის სინანულის მდინარე?
ეს ქვეყანა ფეხით შემოვიარე,
არსად შემხვდა კაცი სანდომიანი.
ნეტავ, მტერო, ჩემში არ დაგებუდა,
იქნებ ჩემი ქედმაღლობის ბრალია,
რომ სიკეთეს სავალი აებურდა
და სიმართლემ ჩაილური დალია.

გამხელა

თავისუფლებას ვერ წაართმევ მერცხლებს,
შაშვებს დაუშლი დილით გალობას?
მე კი მღვიმეში უშუქოდ ვერ ვძლებ
და ველოდები ახალმთვარობას.
როგორ მოდრიკა ქარმა ძეწნის ტანი,
სეტყვამ დაიგო ფეხქვეშ ყანობი.
სამტროდ მოსული “მოძმე” ვერ ვიცანი,
ვნანობდი…
მზემ მიატოვა ზეცა უსამანო,
ყვავებს არ სძინავთ, ენაჭარტალებს.
ყორანს ჩაუბღუჯავს ბრჭყალით დედამიწა
და უკუნეთში მიაჭვარჭვალებს.

საავდრო ლექსი

ერთხელაც ისე გამოიდარებს,
რომ პეპლები და “მზის ნატეხი” ფუტკრები
ჩაგვისახლდებიან ოთახებში და
ციცქნა ბეღურებიც ნისკარტით დაივარცხნიან
მუდამ აბუზულ ბუმბულს.
ერთხელაც ისე გამოიდარებს სულშიც,
ტვინშიც, შინ და გარეთ,
რომ ქუჩაში, უპატრონო ძაღლებს
სულ სითბოთი და სიყვარულით დააპურებენ.
ჩვენთვის გაჩენილ კატებს მიეფერებიან
ფაფუკ კუდებზე და… შინ წაიყვანენ.
ერთხელაც ისე გამოიდარებს, რომ
სიყვარულით გულები მართლა გვირილებად
გადაიქცევიან,
აავსებენ ბიბინა ველებს და ცისარტყელებს
შემოიკრავს ქალაქი ქამრად.
აბრა: “გაჩუქებთ ულამაზეს ქოთნის ყვავილებს”.
მიწა დაგვიძახებს გამოდარებულზე, ჩაგვიკონებს,
ამოიქვითინებს პურის ყანებს და ყაყაჩოებს,
მონატრებული…
ჰო, სიზმარშიაც ვეღარ ვნახავთ უამინდობას.

დეკემბერი

ბურუსმა დაბურა ხევი,
ღრუბელი ზეცაზე ზოზინობს:
ბაღების გადატყდა ხემი –
დუმს  ვ ი ო ლ ი ნ ო.
ფოთოლი ჩამაკვდა ხელში,
მზე რუხი დღეების გერია.
მთვრალი ნისლები ხევში
მ ღ ე რ ი ა ნ.
სულში ჩატრიალდა ნაღველი,
სულში დაიბუდა სიცივემ.
ცაო, ნუ გრცხვენია გამხელის,
ცაო, ნუ გრცხვენია,  ი წ ვ ი მ ე!
ეხლა ნაცრისფერი დრო არის,
ეხლა ლეგა ფერის ჯერია…
რას იზამ, “დრო რო მოალის…”
დ ე კ ე მ ბ ე რ ი ა.

ფულის ხე

2011 წლის 8 დეკემბერს დავრგე ფულის ხე: აი, ასეთი

თუ შემოხვალთ და წაიკითხავთ ამ პოსტს და თან არ დაგეზარებათ ლინკზე გადასვლა და ხის ნახვა, მაშინ ჩემი თხოვნა იქნება, მორწყეთ კიდევაც, რომ დიდი გაიზარდოს.

მადლობა

P.S. დღეს უკვე 7 მაისია და ხეც იზრდება!!!

ისევ და ისევ სერიალები…

გადავხედე ჩემს ძველ პოსტს სერიალებზე და მივხვდი, რომ ძალიან, ძალიან გასაახლებელია, თანაც სერიოზულად. დრო მიდის, ჩნდება ახალი სერიალები, იცვლება გემოვნება. ამიტომ გაჩნდა დღეს ეს პოსტი.

მაშ, ასე:

პირველი სამეული:

Breaking Bad - «The end justifies the extreme»

ზღვარი – Fringe – «Imagine the Impossibilities»

დაკარგულები – Lost - «On this island, survival is not a game»

მეორე სამეული:

ექიმი ჰაუსი – House M.D. – «Everybody lies»

24 საათი – 24 – «The most wanted dead man alive»

დექსტერი – Dexter – «Takes life. Seriously.»

მესამე სამეული:

ექიმი ვინ? – Doctor Who – «It’s almost time… but not yet.»
.

ტორჩვუდი – Torchwood – «The 21st century is when it all changes»

სასოწარკვეთილი დიასახლისები – Desperate Houswives – «Secrets. Romance. Murder. All On One Street.»

დანარჩენების აღნიშვნას აზრი არ აქვს. გარდა, რა თქმა უნდა, განსაკუთრებული მინი-სერიალისა, რომელიც არ შედის არც ერთ სამეულში და უკავია განსაკუთრებული ადგილი.

შერლოკი – Sherlock – «A new sleuth for the 21st Century»

ველოდებით მე-3 სეზონს

გავა დრო და მეც ისევ განვაახლებ ამ პოსტს, რადგან, რა ვქნა, არ შემიძლია სერიალების გარეშე ცხოვრება

ქრისტე აღსდგა!

 

Blythe doll თოჯინები

Blythe-ის თოჯინა, ჩემი აზრით, ეს არის საოცრება.

როგორ შეიძლება არ მოგეწონოთ ის? თან ისეთი მრავალსახოვანია, ისეთი მრავალნაირი, სხვადასხვა ტანსაცმლითა და აქსესუარებით. მაგრამ ყოველთვის მოწყენილი, სევდიანი თვალებით…

პირველი თოჯინა 1972 წელს ჩიკაგოში (ილინოისის შტატი, აშშ) გამოუშვა კომპანია “კენერმა”. თოჯინები ბავშვებისთვის იყო განკუთვნილი, მაგრამ ბავშვებს არ მოსწონდათ ისინი, თოჯინებს უცნაურად მიიჩნევდნენ. უფრო მეტიც, ეშინოდათ კიდეც. ამიტომ იმავე წელს გამოშვება შეწყდა. მხოლოს 2001 წელს კომპანია “ტაკარამ” განაახლა Blythe-ის თოჯინების წარმოება იაპონიაში.

თოჯინის დაბადების დღედ (უფრო სწორად, მეორედ დაბადების) ითვლება 2001 წლის 23 ივნისი. ამ დღეს “Takara” -მ გამოუშვა 1000 ცალი თოჯინა ”Parco”, რომლებიც რამდენიმე საათის განმავლობაში გაქრა მაღაზიის დახლებიდან. ამის შემდეგ ყოველი წლის 23 ივნისს ”Takara” უშვებს საიუბილეო თოჯინას, რომელიც გამოირჩევა შედარებით რთული და საინტერესო კონსტრუქციით.

Blythe-ის თოჯინა გამოირჩევა იმით, რომ აქვს შედარებით დიდი თავი ტანთან შედარებით, მისი თვალები იცვლის ფერს და მოძრაობს, ასევე იცვლება მზერის მიმართულებაც.

2001 წლიდან მოყოლებული კომპანია ”Takara”-მ დღემდე გამოუშვა 150 სახეობის თოჯინა. თითოეულ მათგანს აქვს თავისი “ისტორია”. Blythe -ს არ ყავს მშობლები, ძმა, მეგობარი ბიჭი. მას აქვს უამრავი პროფესია, ყავს შინაური ცხოველები, უყვარს სპორტული თამაშები, მაღაზიებში ხეტიალი, პლაჟზე ნებივრობა, წვეულებეზე გართობა, სამსახურში სიარული, სხვადასხვა თამაშები.

Blythe-ის თოჯინები Amazon.com-ზეც იყიდებ. არჩევანი დიდია.
ესეც ნიმუშები თავისი ფასებით! (კლებადობით)

ცხოვრების 45 გაკვეთილი

1. ცხოვრება უსამართლოა, მაგრამ მაინც კარგია.
2. თუ ეჭვი შეგაქვს რამეში, კიდევ ერთი ნაბიჯი გადადგი წინ.
3. ცხოვრება ძალიან მოკლეა იმისთვის, რომ ის სიძულვილში გაატარო.
4. როცა ავად ხარ, ახლობლები და მეგობრები მოგხედავენ და არა სამსახური. ამიტომ მოუფრთხილდი ამ ურთიერთობებს.
5. არ დაიტოვო ვალი, ყოველთვის გადაიხადე ის.
6. არ არის აუცილებელი ყველა კამათიდან გამარჯვებული გამოხვიდე. დაეთანხმე ან არ დაეთანხმო.
7. იტირე ვინმესთან ერთად. ეს უფრო გიშველის, ვიდრე მარტოობაში ტირილი.
8. ღმერთზე გაბრაზება დასაშვებია. ის გაგიგებს შენ.
9. პირველივე ხელფასიდან შეაგროვე ფული მომავლისთვის.
10. როდესაც საქმე შოკოლადს ეხება, აქ წინააღმდეგობის გაწევა უაზრობაა.
11. შეურიგდი შენს წარსულს, რომ ახლანდელი არ გაგიფუჭოს.
12. შენი შვილების თანდასწრებით თამამად შეგიძლია იტირო.
13. არასდროს შეადარო შენი ცხოვრება სხვისას. შენ წარმოდგენა არ გაქვს რას გრძნობენ ისინი სინამდვილეში.
14. თუ ურთიერთობა საიდუმლო უნდა იყოს, მაშინ არასდროს მიიღო მასში მონაწილეობა.
15. ყველაფერი წამიერად შეიძლება შეიცვალოს, მაგრამ არ ინერვიულო, ღმერთს არაფერი გამორჩება.
16. ღრმად ჩაისუნთქე. ეს ფიქრებს ამშვიდებს.
17. გათავისუფლდი ყველაფრისგან, რასაც ვერ დაარქმევ სასარგებლოს, ლამაზს ან სასაცილოს.
18. რაც არ გკლავს, ძლიერს გხდის.
19. არასდროს არ არის გვიან გქონდეს ბედნიერი ბავშვობა. მხოლოდ, ეს მეორე ბავშვობა მთლიანად შენზეა დამოკიდებული.
20. როდესაც დგება დრო, გაყვე იმას, რაც ნამდვილად გიყვარს ამ ცხოვრებაში, არ თქვა უარი.
21. აანთე სანთლები, იხმარე კარგი თეთრეული, ლამაზი საცვლები. არაფერი შეინახო განსაკუთრებული შემთხვევისთვის. დღეს არის ეს განსაკუთრებული შემთხვევა.
22. ყველაფრისთვის მოემზადე მაქსიმალურად, მერე რაც მოხდება, მოხდეს.
23. ახლა, ამწუთას იყავი ექსცენტრიული. ნუ დაელოდები სიბერეს, რომ კაშკაშა წითელი სამოსი ჩაიცვა.
24. ყველაზე მნიშვნელოვანი ორგანო სექსში – ეს ტვინია.
25. არავინ შენს გარდა, პასუხს არ აგებს შენს ბედნიერებაზე.
26. ყოველი, ასე ვთქვათ, კატასტროფის შემდეგ დასვი კითხვა: მნიშვნელოვანი იქნება ეს 5 წლის შემდეგ?
27. ყოველთვის არჩიე სიცოცხლე.
28. ყველას ყველაფერი აპატიე.
29. შენ არ უნდა გაღელვებდეს ის, რასაც სხვები ფიქრობენ შენზე.
30. დრო თითქმის ყველაფერს კურნავს. მიეცი დროს დრო.
31. არა აქვს მნიშვნელობა ცუდი სიტუაციაა თუ კარგი – ის მაინც შეიცვლება.
32. შენ თავს სერიოზულად ნუ მიიღებ. არავინ ამას არ აკეთებს.
33. გჯეროდეს საოცრებების.
34. ღმერთს უყვარხარ იმიტომ, რომ ის ღმერთია და არა იმიტომ, რომ რაღაც გააკეთე ან არ გააკეთე.
35. არ არის საჭირო ცხოვრების გამოკვლევა. შენ ჩნდები მასში და აკეთებ იმდენს, რამდენსაც ასწრებ.
36. დაბერება უფრო ხელსაყრელი ალტერნატივაა, ვიდრე ახალგაზრდობაში სიკვდილი.
37. შენს შვილებს მხოლოდ ერთი მომავალი აქვთ.
38. ის, რომ შენ განიცადე სიყვარულის გრძნობა, საბოლოოდ ერთადერთია, რასაც აზრი აქვს.
39. ყოველ დღე გამოდი სასეირნოდ. საოცრებები ყველგან ხდება.
40. თუ ერთად მოვაგროვებთ ყველა ჩვენს პრობლემას და შევადარებთ სხვებს, მაშინვე უკან წავიღებთ მათ.
41. შური – დროის ტყუილი ფლანგვაა. შენ უკვე გაქვს ყველაფერი, რაც გჭირდება.
42. მაგრამ მაინც ყველაზე კარგია, როცა უკეთესს ელი.
43. არა აქვს მნიშვნელობა, როგორ გრძნობ თავს, ადექი, ჩაიცვი და გადი ხალხში.
44. დაუთმე.
45. თუმც ცხოვრება არ არის ლამაზი ბაბთით შეკრული, ის მაინც საჩუქარია.

რეგინა ბრეტი

რუსული იუმორი Facebook-დან

Британским учёным не хватило финансирования, и они вынуждены были прекратить эксперимент “Сколько денег может потратить женщина”.

Женское “Я буду готова через 15 минут!” равносильно мужскому “Я буду дома через 15 минут!”

Когда в беседе с подругой ваша жена повторяет: “… и мой тоже!..” – вероятность того, что вас хвалят, практически равна нулю.

Только русские наливают водку граммами, покупают литрами и с утра спрашивают – “сколько бутылок мы вчера выпили?”…

Что делают люди если врач сказал, что им осталось жить 2 недели?
Американцы – закрывают бизнес.
Русские – всё пропивают.
Евреи – идут к другому врачу.

Есть люди, которые всегда чем-то недовольны. Обычно их называют одним словом. Женщины!

Грузин – это звание, еврей – это призвание, цыган – это профессия, а русский – это судьба.
Цыганам все подают, но их никто не любит.
Евреи сами все достают, и их никто не любит.
Грузинам ничего не нужно, у них все само растет, их тем более никто не любит.
Русские всем подают и их за это никто не любит.

Мне нравится моя работа. Мне нравится моя жена. Мне нравится мое правительство.
Для тех, кто не понял, – это медитация.

Грузин сходил на футбол. Его спрашивают:
- Кто играл?
- Дынамо и Спартак.
- Какой счет?
- Два нол.
- А кто выиграл?
- Ныкто. Справа нол и слева нол.

ონლაინ ლოტო

ძალიან მომწონს ეს თამაში და გირჩევთ, თქვენც სცადოთ

დააკლიკე

იდეალური წონა… კალორიები… დიეტა…

როგორ გამოვითვალოთ იდეალური წონა?

მეორენაირად მას სხეულის მასის ინდექსს უწოდებენ (UMT). ნუ აგერევათ ეს ტერმინი ფრანგულ წონაში, რადგან აქ სიგამხდრეზე კი არ არის საუბარი, არამედ ორგანიზმის ჯანმრთელობისთვის უსაფრთხო წონის დადგენაზე.

გავამრავლოთ ჩვენი სიმაღლე მეტრებში თავის თავზე (ანუ, ავიყვანოთ კვადრატში). შემდეგ ჩვენი წონა კილოგრამებში გავყოთ მიღებულ რიცხვზე. იდეალური წონის დროს მიღებული მაჩვენებელი უნდა მოთავსდეს შუალედში: UMT = 20 – 25. ანუ ეს არის მოზრდილი ადამიანების სხეულის მასის ინდექსის ნორმალური მაჩვენებელი.

მაგალითად, ჩვენი სიმაღლეა 1,74 მეტრი და წონა 67 კგ. მივიღებთ: 67 / 1,74 x 1,74 = 22,13 რაც ნიშნავს, რომ ჩვენ იდეალური წონა გვაქვს. მაგრამ თუ მიღებული რიცხვი ცდება ქვედა ან ზედა საზღვარს, ეს ნიშნავს, რომ ჩვენი ჯანმრთელობა საფრთხეშია, რომ ინფარქტის, ინსულტის, ონკოდაავადებებისა და სხვათა რისკი ჩვენში უფრო დიდია, ვიდრე სხვებში.

როგორ მოვიქცეთ, როცა ჩვენი სხეულის მასის ინდექსი ზედა ზღვარს ცდება?

ამ დროს საჭიროა მოვიშოროთ ზედმეტი კალორიები. დავიკლოთ თვეში 2-3 კგ და არავითარ შემთხვევაში მეტი. რატომ? იმიტომ, რომ თუ თვეში დავიკლებთ 3 კგ-ზე მეტს, ეს საფრთხეს შეუქმნის ჩვენს ჯანმრთელობას. ამ დროს დაკლება ხდება არა ცხიმის, არამედ სითხეებისა და კუნთების ხარჯზე.

1 დღის განმავლობაში ადამიანის ორგანიზმს შეუძლია დაკარგოს (ან მიიღოს) არაუმეტეს 100-130 გრ ცხიმისა. დანარჩენი არის სითხე, ფეკალური მასები და ა.შ. ამიტომ, როცა ვიკლებთ თვეში 2-3 კგ-ს, ეს ხდება ზუსტად რომ ცხიმის ხარჯზე და ამიტომ შემდგომში ადვილად ვინარჩუნებთ წონას.

იმისათვის, რომ დავიკლოთ თვეში 2-3 კგ, საჭიროა ყოველდღიურად მივიღოთ იმდენი კალორია, რამდენიც შეესაბამება ჩვენს მდგომარეობას. როგორ დავადგინოთ ეს რაოდენობა?

ამისათვის უნდა გამოვითვალოთ ორი სიდიდე: RMR (resting metabolic rate) და AMR (active metabolic rate).

RMR – გვიჩვენებს, რამდენი კალორია უნდა ჩვენს ორგანიზმს დღეში სიცოცხლისუნარიანობისთვის (თმის ზრდა, სისხლის მიმოქცევა, სუნთქვა და ა.შ.). ამ ციფრზე ნაკლები კალორიის მიღება არ არის სასურველი, რადგან ამ დროს ირღვევა ნივთიერებათა ცვლა და ორგანიზმი გადადის ე.წ. “ენერგიის შენახვის” ფაზაში, რაც ძალიან უშლის ხელს ზედმეტი წონის დაკლებას.

RMR = 655 + (9,5 x წონა კგ-ში) + (1,8 x სიმაღლე სმ-ში) – (4,7 x ასაკი)

AMR – გვიჩვენებს კალორიების იმ მინიმალურ რაოდენობას, რომელიც საჭიროა ორგანიზმისთვის არსებული წონის შესანარჩუნებლად.

AMR =
– RMR x 1,2 – მჯდომარე რეჟიმი
– RMR x 1,375 – მცირე აქტივობა (კვირაში 1-3 დღე სპორტი)
– RMR x 1,55 – საშუალო აქტივობა (კვირაში 3-5 დღე სპორტი)
– RMR x 1,725 – მაღალი აქტივობა (კვირაში 6-7 დღე სპორტი):
– RMR x 1,9 – ძალიან მაღალი აქტივობა (აქტიური სპორტული წვრთნა ყოველდღე, მაღალი ფიზიკური დატვირთვა სამსახურში, დღეში ორჯერ ვარჯიში)

იმის მერე, რაც გამოვითვლით AMR-ს, გამოვაკლებთ მას 500 კალორიას და მივიღებთ რიცხვს, რომელიც გვიჩვენებს, თუ დღეში რამდენი კალორია უნდა მივიღოთ იმისათვის, რომ დავიკლოთ კვირაში 0,5 კგ ცხიმი (და არა სითხე!)

მაგალითი:

ვთქვათ, ჩვენი სიმაღლეა 1,70 მ; წონა 74 კგ; ასაკი 46 წელი.

UMT = 74 / (1,7 x 1,7) = 25,6 (განგაში!!! გადაცდა ზღვარს!)

RMR = 655 + (9,6 x 74) + (1,8 x 170) – (4,7 x 46) = 1455,2 (ეს არის კალორიის ის რაოდენობა, რომელიც აუცილებელია ორგანიზმის ნორმალური ფუნქციონირებისთვის, მაგრამ ჩვენ გვჭირდება დაკლება!!!)

ARM = RMR x 1,2 = 1455,2 x 1,2 = 1746,24 (ეს არის კალორიის ის რაოდენობა, რომელიც საჭიროა იმისთვის, რომ შევინარჩუნოთ წონა, მაგრამ, ჩვენ გვჭირდება დაკლება!!!)

იმისათვის, რომ დავიკლოთ თვეში 2 კგ, საჭიროა მივიღოთ დღეში: 1746,24 – 500 = 1246,24 კალორია.

ამრიგად დავადგინეთ ჩვენი ორგანიზმისთვის კალორიის ის რაოდენობა, რომელიც უნდა მივიღოთ ყოველდღიურად – 1246,24.

ამის მერე იწყება ყველაზე რთული რამ. ანუ, ყოველი ჭამის დროს კალორიების თვლა. პრინციპში, როცა ადამიანი მონდომებულია, მას ვერაფერი დაუდგება წინ და ვერავითარი სირთულე ვერ შეაშინებს. ჯობს წინასწარ შეადგინოთ დღური ან კვირის მენიუ და ასე უფრო ადვილად დაითვლით კალორიებს. ხოლო, თუ რომელი პროდუქტი რამდენ კალორიას შეიცავს, ეს შეგიძლიათ ნახოთ ცხრილში.

ყველაზე მოსახერხებელი ცხრილი შეგიძლიათ ნახოთ ლინკზე (რუსულ ენაზე):

კალორიების ცხრილი

აქ საკმარისია ჩაწეროთ შესაბამისი პროდუქტის გვერდით რაოდენობა (გრამებში) და საიტი თვითონ დაგითვლით ცალკეულ და ჯამურ კალორიებს. ასე უფრო ადვილად შეადგენთ მენიუს.

აქვე გთავაზობთ ბორმენტალის მიერ შედგენილ კალორიების ცხრილს სპეციალურად საქართველოსთვის, ანუ მასში შესულია ზოგიერთი ქართული კერძი (როგორიცაა, მაგალითად, ხაჭაპური, ხინკალი, საცივი და ა.შ.). მართალია, ის მოკლეა, მაგრამ, ვფიქრობ, ძირითადი პროდუქტები ყველა სახეზეა. გადმოტვირთეთ ცხრილი ამ ლინკიდან:

ბორმენტალის ცხრილი

დაბოლოს, დაახლოებით რამდენი კალორია იწვება 1 საათის განმავლობაში:

ტანვარჯიში – 600
ცეკვა – 250-400
ცურვა – 400-600
ველოსიპედი – 300-500
აერობიკა – 400-600
ნელი სირბილი (8 კმ/სთ) – 600
სიარული (4 კმ/სთ) – 250

კიდევ ერთ საიდუმლოს გაგიმხელთ. თურმე მუქი ლურჯი ფერი აქვეითებს მადას. ასე რომ, მოიძიეთ სახლში ლურჯი ფერის თეფშები და თამამად გამოიყენეთ ისინი

ყველას გისურვებთ ჯანმრთელობას!

დალი მუხაძე

წვიმამ ჩაიარა აღმართი ვერის,
რუხი კრამიტი სველდება… მღერის,
ცვივა ფოთოლი ათასი ფერის
შემოდგომაა.

მგზავრი მიღიღინებს, მიდის და სჯერა,
შორს, სახურავებს უსწორებს მზერას,
იმედის სხივი უნათებს ჯერაც _
საოცარია!

ნისლები უცხო მწვერვალებს რთავენ,
შორს მიაქვთ მთები, კანკალებს ღამე,
თეთრი ვარდები დახრიან თავებს…
გემშვიდობები.